لم يعد أي منزل بمنأى عن فيروس كورونا، الذي يمكن أن يصيب أي شخص في أية لحظة، ولكن هل سألتم أنفسكم ماذا يعني أن يزور كورونا منزلكم؟ وكيف يمكن أن تعيش مع شخص يشاركك كل يومياتك وهمومك في لحظات الحجر؟
الجواب قد يكون بالتجربة التي مرّت بها الزميلة الإعلامية في وكالة الأنباء الفرنسية ليال بو رحال، والتي كتبت على صفحتها عبر "فايسبوك" بعد إصابة زوجها بالفيروس قائلة:
"شو يعني حدا ببيتك معو كورونا؟
يعني ينحرّ بالغرفة التانية وما قادر تمسحلو عرقو أو تعملو شي.
يعني جسمو يوجعو وما قادر حتى تحضنو أو تمسك ايدو وتقلو أنا حدك.
يعني تحط دينتك عباب غرفته تتأكد انو عم يتنفس مزبوط بالليل.
يعني تتبلل مخدتك دموع من القلق والخوف وما تغفى غير بعد ما تنهنه من التعب.
يعني 15 يوم تحس بكل لحظة قلبك قد ما عم يدق بسرعة رح يطلع من محلو.
وهيدا كلو وعم نحكي عن عوارض محدودة.. حرارة وسعلة وجع راس مش اكتر".
وتختم بو رحال بدعوة توجهها للجميع: "انتبهو ع حالكن وبعدوا هالكاس عنكم وعن عائلاتكن.. ما حدا بيموت من الجوع بس في كتير ناس عم يموتو من الكورونا".