توجه رئيس الحكومة سعد الحريري الى المتظاهرين قائلا: "القرارات يللي اتخذناها اليوم، مش معمولة لأطلب منكن تتوقفوا عن التظاهر، وعن التعبير عن الغضب. هيدا قرار، إنتو بتاخدوه، وما حدا بيعطيكن مهلة،  وانا ما بسمح لحدا يهددكن او يحاول يخوفكن والدولة واجبها تحميكن وتحمي تعبيركم السلمي عن مطالبكن المحقة".
واضاف "إنو إنتو البوصلة، وإنتو يللي حركتوا مجلس الوزرا وتحرككن بكل صراحة، هوي يللي وصل للقرارات يللي شفتوها اليوم".
وتابع "يللي عملتوه إنتو، كسر كل الحواجز، وهز كل الأحزاب والتيارات والقيادات، وأهم حاجز انكسر هوي حاجز الولاء الطائفي الأعمى. إنتو رجعتوا الهوية الوطنية اللبنانية لمكانها الصحيح، فوق أي هوية طائفية أو مذهبية.  هيدا اكبر مكسب وطني".
وختم "انشالله بيكون هالشي بداية لنهاية النظام الطائفي بلبنان.  بداية حقيقية للبنان الجديد".