يا طليع الشعر...

يا فخر الزجل ع تاج الأبجديي

هداك المجد أغلى عَبايا

بجولات التحدي الشعريي

تهد تقد تسل تشل... هيدا رجايا

ترجّف الجوقات المنبريي

هيدا منبري وهيدا مبتغايا

ودَعْت التراث وصيي

ونحن ع إرثك الوصايا

غيابك ما غيّب وجودك سويّ

تلوّح بعدني هون يا روحي وهنايا

بتشوفنا بعناية جنّة جليي

منشوفك بكل المطارح بأبهى مزايا

منشوفك...

بجمعة أمة وفيي

حجزت الفؤاد وسكنت الثنايا

بقماقم العطار النديي

قوافي مقطرة الحنايا

بكل حزن يدمي البريي

ومع كل آه ترثي المنايا

بحرقة أم شجيي

تصرخ وينك يا ضنايا

بخسارة أخ ودمعة كل صبيي

تحني التلال صوب الودايا

بغيبة وهيبة وقار بيي

اشتقت لشوفتك يا عمري ويا مُنايا

بغدوة فلاح الأرض الغنيي

بسنابل القمح وكروم السخايا

بشمخة أرزة صامدة وجوديي

تمحي الغيم وتكتب الروايا

بسطور قصيدة معروفيي

تنده يا "عرسي وعزّي وعزايا"

بالموشح والشروقي وبكل ردّيي

مع رقّة الصباح... وقمر البهايا

بصرخة حق قويي

تناصر العدل بأشرف قضايا

عجبهة بطل بوقفة أبيي

بصوت الجبل يزلزل ضحايا

بفرحة شب وضحكة طفل طريي

ببركة العيد... بأجمل هدايا

بخشوع مؤمن... بصلاة رضيي

تآمن بقدرة رب البرايا

بصورة حمدان السرمديي

باني للزجل قلعة وأعظم سرايا

برفقة تقدمية بفرحة مليي

 نزور قصرك يا مختارة العز والرعايا

يصدح طليع الشعر بأبيات أوليي

 ونرفع بدارك أعلى رايا

يا طليع الشعر...

خفت ع حروفي تدبل بالفيي

لمّا وشاحك يغطي شمس المرايا

كتبت بحروف وفيي

تا وفِّي دين بأخلص نوايا

كتبت بفطرة ورديي

لخبّر عن عطايا من السجايا

كتبتك سطور مخمليي

تعتَّق الحرف وجوهَر الحكايا

كتبتك بحروف وطنيي

بعنفوان البداية... وخلود النهايا

كتبتك بحروف نسمة هنيي

عَبَق العطر بكنوز الخبايا

حروف حفرت بذاكرة وجدانيي

 كنسر ما يخاف الرماية

إنغرس تشرين بمدمع عينيي

بوداعك... سلمت حروفي ع حروفك السوايا.