حكايِة غرام!
سقراط دُربيِّة
2 يونيو 2017
أنباء الشباب
هِيَ عْيونْهَا حْكَايِةْ غَرامْ
حُبّ بْشَغَفْ، عِشِقْ وإِنْسِجَامْ
آنْطَرْتِ كْتير القَدَر، خِفْتِ يْنَامْ
وما لاقي السّمراءْ بَعِدْ هَالإيَّامْ
إِنِ زْعِلْتِ، عَالفَوْرِ بْنَكِّسْ الأَعْلامْ
بْقِيلِ الحُكومِةِ، وْلِلعَسْكَرِ الأحْكَامْ
بِعْلُنْ الحرب، وِبِلْغِي مْعَاهَدَات السَّلامْ
وْعالهوِيِّة؛ بْرَجِّعْ الذَّبِحْ وِالإعْدَامْ
بْنَطِّقْ الصَّخِرْ، تَيْغَازْلِكْ بْأَجْمَلْ كَلامْ
يَا بَدِرْ سَاطِعْ، يَا لَوِحِةْ رَسَّامْ
كُونِي مَعِي، شْريكْتِي بِالأَحْلامْ
وْبَعِدْ فَخَامْتِكْ، تِعْتِكِفْ كِلّ الأَقْلامْ
(أنباء الشباب، الأنباء)