يَومِ   الأوَّل   من   أيَّار

آبتدأ  حِلْم     قَائد   الثُّوار

الأساس   العَامل،  والشِّعار

حزب  الثَّقَافِة؛ لِلريشِة القرار

مِعْوَلْ   بْيِزرَعْ   آجْيَالِ  الْغَار

نَبْتِةْ   مْشَرْشِة  بْأرض  الدَّار

لبنان   عربي  المِضمَار

إشتراكي،   علماني،  المسار

لِلوَطَن  وِالأرض   الإنصهار

التَّلاقي وِالمَحَبِّة  السِّتار

كُونْ  صَادِق،  وَفي؛  نَشِأ  بَار

مَا  تِتباهَى  بْإنجازات  الِكْبَار

جِدّ؛ آجْتِهِدْ    وْرَبِّ    صْغَار

أصْلِ الفَتَى؛ يِفتِخِر شو صَار

مَمنوعْ  الرُّكوعْ!  گونوا آحرار

مَا بْيُنطُرْ  حَدا؛ الزَّمَن  قِطارْ

الحياة  مَعرَكْةِ   وُجودْ  ونار

جبان وْمِشّ مِنَّا  لْبِرِيدِ الْفَرار

عَخُطَى  المعلِّم حَنْكَفِّي المشوار

مسيرة الحَقّ مَصيرها الإنتصار