نشرت الإعلامية في قناة “الجديد” جويل الحاج موسى صورة لها أثناء محاولة إستصراح خروف خلال إعدادها تقرير في عيد الأضحى المبارك، إلا أن المسألة تطورت وتحولت إلى إعتداء على فريق “الجديد” وضرب المصوّر هادي درويش.

وقد كتبت الزميلة الحاج على صفحتها عبر “الفايسبوك”: “لما أخدت هالصورة كنت عم بضحك وقول تخايل يحكي الخروف عالكاميرا… بعد دقايق انتقلنا لنكفي التقرير عن خروف العيد ورحنا على شارع “فردان” لأنو بتذكر انو في جمعية هونيك بتوزع مساعدات للفقراء. جوّا ما خلونا نصور قال خلصوا توزيع!!

نحن وفالين ناشدونا مجموعة ما بتقل عن ٥٠ شخص كانوا واقفين عم يشحدوا النظرة على اللحمة يللي مفروض تكون عم تتوزع عليهن. وطلبوا نصورهن وخبرونا كيف إلن ٣ أيام واقفين وما عم يعطوهن ولا مساعدة.

جماعة الجمعية الخيرية ما هان عليهن نحكي مع الفقراء فتهجموا علينا رغم إنو كنا رايحين صوبن حتى نستوضح ليش هول الناس ما عم يعطوهن اكل مع انو في كميات كبيرة بعد من اللحمة جوا.. وصار يللي صار من ضرب وخبيط. بلحظتها عرفت انو الحوار مع هالخروف كان أكثر نفعاً من “محاولة حوار” مع مخلوقات لابسة تياب بشر!!”.

وعلمت “الأنباء” أن القوى الامنية أوقفت شخصين من الذين قاموا بالاعتداء على فريق قناة “الجديد”.

(الأنباء)