باقي الشريف يا أشرف شريف…

قلب الشجاع والكف النظيف
رحمة الله تنزل عليك لتوفيك…
بجاه الله والنبي ومقام الشريف
شو بقول عنك شو بقول تا إرثيك…
ما دام الخريف بعت لعمرك خريف
مهما حكيت وعددت صفات ما بقديك…
مسيرتك حافلة ما بتحمل حكي وتصفيف
إنت بجنب الكمال عمرت مداميك…
تا صار صيت الحزب أول التصنيف
ورافقت الوليد وكنت أوفى شريك…
ناضلت بصمت بلا ضجة وزقيف
بنيت جيوش وشبكت الأيادي تشبيك…
وقطفت النصر من الجبهات تقطيف
زرت بلدان بهمتك لتسلحك وتهديك…
هديت ضباط وصرت المقدم بلا تعريف
وحركة وطنية وفلسطينية بتفديك….
دربتها عسلاح الثقيل وسلاح الخفيف
وأمانة سر من عمرك عطيتها لتعطيك….
حب المختارة كحب الجوع للرغيف
قاومت المرض بصبر فياض مش ركيك…
وزرت أنور لطمنو عنك وتخبرو كيف
سلمت وفليت والحزب ساكن فيك…
وكيف ساكن بحروف تاريخنا يا شريف

(الأنباء)